E prome lider politico cu a bay haci uzo di su derecho pa vota, tabata lider di partido RAIZ, Sr. Ursell Arends, na Colegio Conrado Coronel. Sr. Arends a yega su stemlokaal hunto cu su compañeronan di partido.
Sr. Arends ta contento cu e acogida cu nan a haya den pueblo y ta contento cu e pueblo cu ta respaldanan den e corto tempo cu nan tin. RAIZ ta representa e mayoria silencioso ya cu nan no tin niun t-shirt y niun propaganda politico. Nan ta cla pa representa e pueblo den gobierno.
Cada gobierno ta wordo scogi pa 1460 dia y despues di esey e pueblo tin un dia pa ta den poder. Y 22 di September ta e dia y wak ki rumbo e luga aki ta coy pa duna Arunba un miho futuro.
RAIZ su campaña tabata mas dirigi ariba rednan social, cual ta hopi mas barata cu e sistema tradicional. E sistema tradicional mester ta di e pueblo, pero atrabes di nan Cultivando Tour nan a bishita e Centronan di Bario, unda cu nan a skucha e preocupacion di e pueblo. Esey a costanan menos placa y a bay cu metanan mas concreto.
RAIZ ta spera ariba e sosten di e pueblo. Hunto por soluciona e problemanan, nan ta convenci cu e pueblo kier un aire nobo. Pero dia 22 di September un aire fresco den poliitca lo bula ariba Aruba.
E hecho cu tin un minister deteni, pa Sr. Arends, prome cu tur cos cada persona nan trackrecord ta conta. Y si bo tin un trackrecord limpi, esey ta mas importante. Tur e cinco candidato tin un trackrecord limpi y nunca antes nan tabata meti cu otro partidonan politico. RAIZ a lanta pasobra netamente e pueblo mes tabata kier. Nan a planta un simia tur caminda cu nan a bay.