Post Aruba N.V. a celebra 35 aña di servicio di Rafael “Rafi” Pantophlet den compania di famia y coleganan.
Rafi a cuminsa traha dia 1 di augustus 1984 como Besteller y actualmente tin e funcion di Hoofd Brievenbesteller.
Rafi ta un empleado cu ta stima e trabou cu e ta eherce, cual e ta tuma hopi na serio y ta zorg pa traha semper segun e reglanan.
Rafi ta un gran ehempel pa e bestellernan jong, pues e ta un muestra di con leu un persona por yega den su trabou mientras e tin e amor y e dedicacion pa esaki.
Post Aruba N.V. ta gradici Rafi pa e 35 aña di dedicacion y cooperacion, y ta desee hopi salud y exito pa e añanan cu ta bin.
Pa informacion riba servicionan di Post Aruba N.V., bishita e website www.postaruba.com of check nan paginanan riba Facebook, cu ta Post Aruba NV y Aruba Stamps.