Recientemente Sr. Rafael & Nelia Espinoza a wordo honra como Embahador di bon Boluntad Esmeralda pa e isla di Aruba :
E huespednan aki ta hopi special mes cu ta bishitando nos isla pa mas di 36 aña caba consecutivamente.
E titulo simbolico aki ta wordo presenta den nomber di Minister di Turismo como un muestra di aprecio pa e bishitantenan cu ta regresa Aruba
Sr. Ricardo Croes di ATA a haci entrega di e certificado aki durante un ceremonia oficial na Caribbean Palm Village
Rafael ta comenta cu nan no lo cambia Aruba nunca pa un otro isla, door di su beachnan blanco bunita y su hendenan amabel.
Ariba e potretnan por aprecia Sr. Ricardo Croes di ATA hunto cu Rafael & Nelia cu su ruman muhe y tambe Mislady di Caribbean Palm Village.