E weekend aki ta weekend di festival di Arte di Palabra pa cual e hoben Rafael Garcia ta competiendo pa di cuater aña consecutivo den Arte di Palabra ABC, pa cual Aruba ta anfitrion e aña aki.
Rafael a señala tambe cu e no ta bay solamente pa competi sino cu e ta percura pa trece un mensahe na e comunidad. E biaha aki el a manifesta cu e intencion di cu un poesia y un historia dedica na e dos mucha homber cu a wordo abusa, unda cu e mensahe en general ta pa stop cu abuso di mucha.
Rafael ta papia cu hopi smaak di Arte di Palabra, unda cu den 4 aña cu e tin ta participa, for di ora cu e tabata tin 12 aña, y e ta splica cu el a siña den tur sentido y cu esaki ta yuda pa crece den talento y experiencia. E ta un oportunidad pa tin hopi amigonan nobo tambe, ademas di ta un experencia hopi dushi.
El a sigui bisa cu bisa cu e competencia aki ta uno sumamente diferente y sano, plus cu ta den un categoria internacional den parti di e isla rumannan ABC. E ta bay representa Aruba cual ta un responsabilidad y un reto carga cu nomber di Aruba riba dje.
Finalmente e hoben Rafael Garcia invita henter e comunidad pa bin apoya e team completo diasabra awor 14 april 3 or di atardi na Cas di Cultura. Entrada ta completamente gratis.