Diadomingo, 29 di augustus, famia di Shady den colaboracion cu GLW Foundation, organisado di e certamennan di Miss Teen Aruba y Miss Turismo, lo tin un Radio Telethon pa yuda Shady haya su tratamento.
E evento grandi aki lo tuma luga na Centro di Bario Tanki Leendert cuminsando for di 10’or di mainta te u 6’or di atardi.
Shady ta un hobencita di 9 aña,kende ta sufri di e malesa Von Willebrand factor 8, cu ta causa un sistema immuun hopi abou Na momento cu e haya un sangramento chikito, esaki por sigui sin stop. Na Hulanda tin tratamento, pero ta algo hopi costoso. E tratamento ta costa mas cu 50 florin.
Shady ta haci aña na September awo pa cual e fundacion kier haci e mucha muhe aki su soño bira realidad.
Banda di e Radio Telethon, diferente participantenan di reina di beyeza lo ta riba caya cu nan box pa automobilistanan tira nan donacion den esaki. Esnan cu no por yega te eynan, por yama 5825500. Por haci un donacion tambe via di e cuenta bancario na CMB riba number di GLW Foundation: 61250903. Aworaki e falta algun mil florin pa por biaha hunto cu su famia Hulanda.
Shady tin asina hopi complicacion pero ta bou tratamento pa un solo malesa, mientras cu e tin hopi otro tin sintoma di diferente otro malesa, manera esun di auto immune disease pero no sa cual. SU cabey y djentenan a cay, lagando famia cu hopi pregunta di ki tratamento realmente e mester.
Shady ta sufri di sangramento for di nanishi cu inicialmente dokternan a simplemente consider esaki algo normal, te ora cu el a cuminsa sangra via orea y nanishi. Despues a bini mas complicacion Pa e motibo aki e tin e speransa cu Aruba lo por yud’e caba di recauda e suma necesario pa bay Hulanda.
Durante e evento lo tin koffiemorgen for di 1’or di mainta pa 1’or di merdia, pero tambe ta bende baki di bolo y durante dia ta bende pan cu hotdog, pastechi, hamburger, croquette, sop’i galiña, di pampuna y carni.