Riba 10 September 2016, diasabra mainta recherchenan di Oranjestad despues di a haya ricibi un keho oficial di parti e ex presidente di Parlamento unda menasa a bay riba facebook di parti di R.Danies cu elo pega Parlamento na candela. Esaki tabata un menasa serio pa Parlamento di Aruba y no por a tuma esaki como un chansa laga bay asina pasobra ta conoce con e persona aki ta spuit tur caminda riba propiedad di hende y mas.
E mes un diasabra mainta recherche a sali y bay na San Barbola unda Danies ta biba y detene na su cas. El a coopera cu autoridad y a keda interoga dilanti un sub fiscal na departamento di recherche. Fiscal riba diamars mainta pa merdia a prolonga e detencion di Danies pa 8 dia mas riba 13 September 2016.
Unda Danies a menasa cu un crimen di lo pega un edificio importante di Aruba na candela. 21 September 2016, Fiscal a opta pa laga Danies den libertad despues di a cumpra su 10 dianan di detencion pero e caso ta keda bou investigacion. Danies no ta keda un homber liber debi cu e no ta cla ainda cu Ministerio Publico unda ta trahando riba su caso y pronto lo wordo yama pa bay dilanti mesa berde pa responde pa su actonan un di nan ta e menasa cu ta un crimen di pega un luga na candela y ainda tin mas di e spuitmentonan rond riba propiedad di hende cu ta un destruccion.
Loke ta e spuitmentonan riba propiedad di hende si ningun hende no haci keho no por presenta e cargonan aki na hues, pero tin algun keho si entrega contra di e actonan aki di spuitmento riba muraya y mas caminda.