E aña aki Quota International ta celebra 30 aña na Aruba. Y esaki Quota kier a comparti cu e comunidad. Quota ta haci nan di 27 aña cu nan ta celebrando nan fundraising. Sra. Ivy Simon-Hernandez ta splica cu e aña aki e tema.
Normalmente cu tur fiesta di fundraising ta anochi, y shete aña pasa a cuminsa cu evento di un Picnic Dansant. E meta di e fundraising aki ta pa haya fondo pa nan sigui yuda comunidad. Danki na e comunidad di Aruba cu a para tras di Quota. E aña aki e Picnic Dansant lo tin un tema totalmente diferente. Aña pasa e tema tabata di Safari, cu un Tarzan bulando di un jungle pa jungle den Renaissance Convention Center. Y pa na di 30 aña, Quota a bin cu un idea diferente, cu e tema Perla den Lama.
E fiesta lo tuma luga ariba un diadomingo atardi, dia 11 di Juni 2017 cuminsando for di 12 or di merdia, te cu 5 or di atardi. E bandanan e aña aki ta Robert y Su Solo Banda Show cu ta cu nan pa e ultimo 8 añanan y tambe Infuzion ta pa di dos aña consecutivo.
Sra. Simon a splica tocante di e dress code, vooral pa hende homber, pa nan keda den e tema di Perla, ya cu nan ta “bay duik” buscando nan Perla.