Ya pa mas cu 30 aña caba QUOTA International of Aruba ta organisa su SIMAN di KIBRA SILENCIO, unda ta pone atencion na conscientisacion pa proteccion di oido. QUOTA su SHATTER SILENCE WEEK lo cuminsa dialuna 17 di september te cu diabierna 21 di september, 2018. E anja aki atrobe lo tin oportunidad pa haci test di bo oido gratis na e luganan di semper. Traha bo afspraak lihe pa haci bo test di oido.
Por yama e siguiente instancianan pa haci bo afspraak pa test bo oido gratis:
SVB San Nicolas, Bernhardstraat 67-C, San Nicolaas, Tel: 527.2732;
FEPO, Engelandstraat 15, Oranjestad, Tel: 583.1016;
Optica Oduber & Kan, Caya G. F. Betico Croes 222, Tel: 582.4719.
Un palabra di gratitud na tur miembronan di Prensa cu ta dunando nan apoyo na QUOTA y e bunita trabao cu ta wordo eherce. Cu articulo aki por aprecia potretnan di miembronan di QUOTA durante entrevista cu Prensa dunando informacion na publico en general di nos SIMAN di KIBRA SILENCIO.
Quota International of Aruba ta existi ya pa 31 aña na Aruba dunando servicio y conscientisacion na e importancia di Cuido di bo Oido. QUOTA International of Aruba ta un club di damas di nos comunidad cu ta profesionalnan, ehecutivo y doñonan di nan propio negoshi.
Hunto nan ta traha ariba proyectonan pa asisti otro instancianan di nos comunidad y asina logra haci bida di nos conciudadanonan mas mihor.