Quota Club ta den accion, yen di energia, cu un otro actividad. Nan ta un organisacion di hende muhe, kendenan tur ta traha, ehecutivo, doñonan di nan mesun negoshi of ta traha pa un empresa y den nan tempo, boluntariomente nan ta contribui pa haci proyecto y actividadnan pa nos comunidad, segun presidente di e club, Gwendoline Van Trikt-Rojer. Quota Club ta internacional y full rond di mundo ya nan tin hopi club caba cu tambe a join Quota Club y cu e simpel mision, pa yuda contribui na un comunidad, pa un miho bienestar. E berdad ta, e ta tuma hopi tempo pa cuido di e personanan cu tin deficiencia auditivo. Quota ta haci proyectonan pa cuida oido. Ta yuda esnan den necesidad y tambe yuda hendenan muhe cu ta den dificultad y tambe ta yuda muchanan cu ta den situacionnan no menos bon na cas.
Tambe tur aña Quota ta brindando bunita proyectonan den comunidad. Pa hopi aña Quota Club ta hopi conoci pa su seminarionan. Nan tin un comite hopi dinamico cu ta organisa esaki. Pa e ocasion aki e oradornan ta hopi impresionante.
Gladys Kock ta lidera e comision cu ta organisa e seminario. E aña aki tin como tema “Dare to be great.” E orador principal ta un educador, Baruti Kafele, cu hopi aña di experiencia, caminda cu el a cuminsa cu un sistema caminda cu e ta motiva hobennan cu un programa special cu ta un empowerement program. Cu esey el a logra na Merca na scolnan cu averahe cu hopi abao di exito, cambia henter e sistema door di motiva e muchanan y traha cu nan pa un di e scolnan miho cu tin na Merca. Door di esey, hunto cu un team di dje, el a transforma e scolnan y haci nan un exito. El a skirbi varios buki tambe y hopi caminda e ta bay, unda cu e ta duna charla y lectura, pa motiva hobennan. E ta bisa cu ora bo ta traha cu hoben, bo tin cu cuminsa den wak na bo mes, cu ta hopi importante pa bo compronde un hoben. Bo mester ta un rolemodel tambe. E ta skirbiendo un buki y e buki lo mester a sali e aña aki, cu ta trata “Attitude Gap”. Ora e ta duna su charla, e ta bisa cu tin 7 punto pa bo tin exito y eynan ta depende cu bo mester ta positivo y bo actitud tambe mester ta positivo pa bo tin exito den futuro. Tambe bo mester tuma e decision corecto. Dependiendo di bo decision, ta loke bo escogencia cu bo haci ta conta pa bo futuro.
E ta bisa cu bo mester por lesa, scucha, skirbi, pensa y siña. Eseynan e ta pone cu ta e debernan mas grandi cu bo mester tin. E ta bisa tambe cu e miho hermentnan pa exito ta kere den bo mes y door di ta positivo esey ta yuda pa bo exito. Bo mester pone metanan bo dilanti. Tambe bo mester tin deber cu esunnan cu ta dunabo un man. Bo mester ta serio, bo mester enfoca riba bo futuro0 y semper e ta bisa pa no laga un mucha na caya. Prome cu e cuminsa, wak pa bo dun’e un man pa bo por gui’e, y pa e bay pa exito, segun Kock.
Enid Croes-Marugg no ta un persona desconoci den comunidad. El a fungi como presidente internacional di Quota Club di Aruba y tambe ta miembro di e comite y a conta un tiki di e siguiente orador, kende ta Reyna Joe. Reyna Joe ta habri e seminario dia 22 di October como e prome orador y su topico cu e ta bay papia riba dje ta “Bo imagen ta bo futuro”. Awor bo ta puntra bo mes ta kende ta Reyna Joe. Reyna a nace na Corsou y actualmente ta mas cu 25 aña un empresario masha creativo den su compania y e ta duna servicio di comunicacion. Con bo ta comunica atrabes di ideanan briyante cu creatividad y innovacion. E compania ta duna tambe entrenamento y ta guiai grupo y individualnan. Nomber di su compania ta “Bright Ideas & Services”. Den pasado Reyna a haci carera na television y radio na Hulanda y Corsou, como el a studia periodismo na Hulanda. Señora Joe, como empresario, a nota cu hendenan inteligente, bon educa, capacita, hoben y adulto, tabata falta otro herment cu tabata necesario pa sostene nan diploma of nan experticio of hasta nan inteligencia. Ta pesey pa yuda y comparti, sra. Joe ta skirbi, e ta autor y ta coautor y ta duna lectura uzando varios informacion creativo pa tur hende por uza como e extra herment pa nan briya mas den nan bida personal y tambe den nan bida como profesional.
Su filosofia ta “ideanan no conoce limite. Bo mester stima y confia bo mes y haci tur cos cu bo kier den manera cu ta mas pasiona cu ta posibel”. Su pasion ta, pa haci hende move y alcansa e miho den tur hende banda dibo y cu mester di e empuhe akinan. Naturalmente su filosofia y tambe su pasion, a haci cu Quota Aruba a invit’e como orador. Quota di Aruba tin hopi expectativa di su presentacion dia 22 di October, cual ta riba un diasabra.
Audrey Croes-Lacle tampoco no ta desconoci. E ta un di e chartermembernan di Quota Club. Otro aña nan ta celebra 30 aña y ta celebra esaki bon na grandi, pasobra Quota a haci hopi pa comunidad.
Den e caso aki, e ta en e comision di e seminario aki y ta empuha tur hende pa participa, cumpra carchi cerca e miembronan, pasobra tur esaki ta pa mehora nos comunidad, pasobra e topiconan ta hopi importante. Un di nan cu ta Reyna Joe, e prome orador, kende ta “enhance bo bida, bo futuro y bo imagen pa esey”.
E otro orador, sr. Kafele, caminda cu e ta mustra cu nos scolnan tin hopi necesidad di ayudo den e bandanan aki. Ta invita specialmente e maestro, cabesantenan di scol, cu ta hopi importante pa nan scucha e charla aki di e reto cu e cabayero aki a pasa aden y a sali for di dje hopi exitoso. Tambe Croes-Lacle a menciona cu nan sponsor ta participa, entre nan ta Forensys Services Caribbean cu ta uno principal, cu ta brinda servicionan forensico, cual ta un otro hecho cu nos isla tin mester hopi.
E otro sponsor ta Romar Trading, cu nan productonan di L’Oreal, cual ta mundialmente conoci. Nan tambe lo tin un mesa riba e dia di seminario y e tercer sponsor ta Maggy’s, cu su producto innovativo cu yama Mosquite Nouve, cual ta un producto cu bo por wak su presentacion eynan y cu e ta un producto cu ta contra e malesa di Zika. E ta algo cu ta un problema awor aki mundialmente, yegando hopi cerca na nos. Miami Beach mes ta alarma awor aki over di esey. Tin diferente producto pa proteha bo mes y non-toxic y traha na Hulanda. Tambe tin Smith & Dorlas cu semper ta coopera y lo tey como un di e sponsornan cu nan productonan Smith & Dorlas cu nan koffienan fabuloso, cu thee y latte’s cu no ta desconoci den nos comunidad.