E fin di siman aki lo bay tuma luga un evento grandi yama Picnic Danzant cu Quota Aruba ta organisa pa haya fondo pa nan por sigui yuda nos comunidad. Ivy Simon-Hernandez ta splica cu Quota Club ta celebrando su di 30 aniversario y alabes diadomingo awo, nan lo bay tin e evento anual aki, cual ta un fundraising.
30 aña ta nifica Perla. Quota Club a acerca sra. Lenny Thijssen di Kenro Jewelers pa sa un tiki mas di perla. Esaki ta un evento sumamente grandi diadomingo awo, cu pa añanan largo e comunidad di Aruba a bin ta custuma, un diadomingo atardi, un siman prome cu dia di tata. Esnan cu no a cumpra su regalo di tata ainda, y Quota tin e ticket y bin celebra nan di 30 aniversario, den Renaissance Conference Center, for di 12’or di merdia pa 5’or di atardi.
Yegando ya caba Conference Center, lo bay ripara cu esaki ta bay wordo converti totalmente. Ta subi e boto cu tey, cu yama Mini Go y ta drenta y subi lama. Ta bay bao di lama diadomingo awo pa asina por disfruta di tur e perlanan bunita cu lo wak di tur esnan cu tey presente.
Ta haya un welcome drink, asina por brinda e di 30 aniversario na Aruba. Ta bay tin e buffet, cu lo habri for di 12’or y mey. Prepara e stomanan. A confirma cu lo bay tin un buffet caminda cu lo bay tin un espacio pa e amantenan di sushi. E stacion lo ta prepara specialmente pa nan. Despues di come, ta cla pa balia, aunke cu pa 12’or y mey tin musica. Robert Jeando’r y su Solo Banda Show y Infuzion lo bay tey pa deleita cu dushi musica hunto cu Miniteca Genie.
Lo bay tin esna miho bisti. Con ta bay scog’e? Ta e imaginacion di perla. Tin un variacion asina grandi di perla. Diadomingo awo, lo bay keda sumamente impresiona di tantisimo perla cu por mira.
E ticket ta 180 florin solamente. No solamente bo ta bin pasa un atardi agradabel cu tur esnan cu lo bay tey pero mas ainda, loke cu contribui, lo bay bek den comunidad, cual ta e parti di mas bunita.
Ta gradici pueblo di Aruba, Comercio, Kenro Jewelers cu su perlanan, cual lo bay ta den premio grandi y tambe un otro premio cu lo bay tin di Maduro & Sons, cual ta dos ticket pa ocho anochi biahando pa Orlando y bayendo Seaworld.
Ainda tin carchi cerca e miembronan, na Giselle Department Store, Mrs. Minute, y tambe cerca Ivy Simon-Henriquez cu ta un di e miembronan na 5922083 y personalmente e lo trece e carchi cerca esun cu kier forma parti di e Picnic Danzant aki.