Durante clausura di siman “Kibra Silencio” diasabra 24 September 2016 a honra Harold A. Gibbs y Biblioteca Nacional Aruba y Carlos T. Mejia y Island Food Distributor PriceSmart Aruba
Celebracion:
Presidente, Sra. Gwendeline van Trikt-Rojer, ta relata cu Quota Club Aruba, a clausura e Siman di “Kibra Silencio” en grande cu un toke especial pa e communidad di personan cu deficiencia auditiva (Doofnan)
Parti di su discurso ta bisa lo siguiente: “Nos ta celebra e Dia International di Doven, y mi ta felicita nan ariba nan gran dia tan special aki.
Ademas, durante e clausura oficial di Siman Kibra Silencio, despues cu a duna resultado di e Siman Kibra Silencio, Quota Club Aruba tambe a reconoce specialmente, dos persona en conexion cu e celebracion di e dia Internacional pa esnan cu deficiencia auditivo, esta “International Day of the Deaf”.
Reconocimento:
“Outstanding Man of the Year”
Quota Club Aruba President, sra. Gwendeline van Trikt-Rojer a haci entrega di un award di reconcimento na e sigiente personan:
Sr. Harold Austin Gibbs como “Outstanding Man of the Year” y tambe a honra Biblioteca Nacional Aruba cual ta wordo representa door di e director, Sra. Astrid Britten, cu e reconocimento di “Outstanding Employer Award” como e dunado di trabou, y na Harold Austin Gibbs ta mas cu 25 aña den Servicio.
Reconocimento:
“Extra Ordinary Achievements of the Year”
Quota Club Aruba President, sra. Gwendeline van Trikt-Rojer a haci entrega di un award di reconcimento na e sigiente personanan, Sr. Carlos Thomas Mejia pa su “Extra Ordinary Achievements of the Year” y tambe a honra Island Food Distributor PriceSmart Aruba cual ta wordo representa door di e director, Sr. Romeo Rasmijn, cu e reconocimento di “Outstanding Employer Award” como e dunado di trabou, y na Carlos Thomas Mejia cu ta mas cu 12 aña den Servicio.
Storia di Harold Austin Gibbs:
Harold Austin Gibbs ta nace dia 30 di September 1967 na Aruba.
Su estado civil ta soltero y actualmente ta biba na San Nicolas.
Harold Gibbs a studia na Kennedyschool voor gehoorgestoorde kinderen na Paramaribo, Suriname y ta ricibi su getuigschrift.
Na April 1989 Harold ta solicita na Biblioteca Nacional Aruba.
Dia 1 di Januari di aña 1990 e ta drenta servicio di Gobierno y ta bin traha na Biblioteca Nacional Aruba (BNA).
Minister encarga e tempo ey cu Biblioteca Nacional Aruba ta nos actual Gobernador, sr. Freddys Refunjol .
Aña pasa, riba 1 di Januari 2015, Harold a celebra e hecho cu ta 25 aña pasa cu el a drenta servicio como empleado publico trahando na Biblioteca Nacional.
El a cuminsa traha den departamento di Binderij como boekbinder.
Na September 1992 Harold ta sigui e curso di Computervaardigheid voor Beginners na Enseñansa pa Empleo y ta ricibi su certificado y na November di aña 1993 e ta keda traslada pa e departamento di Servicio Mediateca Escolar na unda cu te awe e ta traha.
Harold ta forma parti di e famia di Biblioteca Nacional Aruba y ta un persona agradabel pa traha cune y tambe por comunica facilmente cune.
Tur hende semper ta para cla pe pa por yud’e sea ta pa splica of pa cualkier otro motibo.
Biblioteca Nacional Aruba ta contento di tin Harold como trahado. Su coleganan tin un aprecio y cariño hopi grandi p’e. E ta hoben ainda y nos ta sigur cu e keda cu nos te dia cu e bay cu pensioen.
Quota Club Aruba ta rindi honor aki muy en especial na Sr. Harold Austin Gibbs como un empleado cu deficiencia auditiva ehemplar y tambe na Biblioteca Nacional Aruba su Staff y Personal en general, cu a brinda un oportunidad unico y special na e Instituto aki y my en especial na Austin, mas ainda, e confiansa den su empleado pa 25 aña y e pasenshi y comprendimento cu e y su staff tin pa traha hunto.
Storia di Carlos Thomas Mejia:
Carlos ta naci ariba 13 di December 1971.
Carlos a cuminsa traha cu PriceSmart den e periode cu PriceSmart ta tuma hende temporalmente pa 2 luna den e temporada druk di fin di Aña, esta 13 di November – 31 di December 2003.
Su trabou a wordo asina bon ehecuta a pesar di tin un limitacion di oido, pues deficiencia auditiva, a dicidi di tume fulltime desde 1di Januari 2004.
Su funcion e tempo ey tabata Merchandising Stocker.
1 di Februari 2008 el a wordo promovi pa Electronics Supervisor.
1 di December 2009, el a haya un otro promocion esta di Merchandising Supervisor, cual funcion e tin tambe actualmente.
Reconocimento local:
* Star of the month – April 2008
* Star of the 3rd Quarter – Mei 2012
*Supervisor 4th Quarter – Augustus 2012
*Supervisor of the Year 2012
*Supervisor 4th Quarter – August 2014
*Supervisor of the Year 2014
*Supervisor 1st Quarter – November 2015
Reconocimiento International:
Award 2014: “For Outstanding achievement I helping PriceSmart to “Evolve” and “Win the Game”
Ademas di esey, Carlos ta un persona alegre, gusta haci joke y ta baila Bon mes! Carlos tin hopi talento! E ta gusta deporte: Carlos tin un team di softball cu su mes ta dirigi, “Macuarima Indians”.
A parte di esey PriceSmart tin un Team di runners club y zaalvoetbal, cual Carlos ta forma parti di e dos (2) ekiponan.
Quota Club Aruba ta rindi honor aki muy en especial na Sr. Carlos Thomas Mejia, como un empleado cu deficiencia auditiva ehemplar y tambe na Island Food Distributor PriceSmart Aruba, su Staff y Personal en general, cu a brinda un oportunidad unico y special na e Instituto aki y my en especial na Austin, mas aun, e confiansa den su empleado pa 12 aña y e pasenshi y comprendimento cu e y su staff tin pa traha hunto.
Felicitacion:
Quota Club Aruba ta felicita Sr. Harold Gibbs y muy en especial e staff y personal di Biblioteca Nacional Aruba y tambe Sr. Carlos Mejia y muy en especial staff y personal di PriceSmart Aruba cu e logro bunita aki y ta desea cu esaki ta un gesto pa sigui encurasha cu tur cos ta posibel y motiva specialmente personanan cu deficiencia auditiva cu nan tambe ta aprecia.
Directora di Bibioteca Nacional, sra. Astrid Britten tambe a hiba palabra y ta gradici Quota pa e Reconocimento special aki pa su empleado, Harold y nan instancia, Biblioteca Nacional Aruba. Alavez e ta sigi bisa cu e ta asina contento cu Quota ta reconoce nos personanan cu deficiencia auditiva y ta apoya Quota pa e trabou cu Quota ta haci ya pa 29 aña como organisacion riba e tereno di concientisa nos comunidad pa e Cuido di Oido.
Sr. Romeo Rasmijn, Manager di PriceSmart Aruba tambe a tuma e oportunidad y a gradici Quota pa e bunita gesto di otorga un premio di reconocimento special na nan Empleado, Carlos y tambe na nan empresa.
Si Abo sa di un persona cu deficiencia auditiva (Doof) y su Dunado di trabowu por tuma contacto cu nos di Quota International of Aruba, via nos email: [email protected] of [email protected] pa asina nan tambe por gosa di un reconocimento.
Y pa clausura e celebracion, un dushi bolo decora cu e lema di Kibra Silencio, “Cuida Bo Oido” a ser corta door di e prome Presidente di Quota Club Aruba(1987) sra. Gladys Henriquez conhuntamente cu e Presidente actual, sra. Gwendeline van Trikt-Rojer.
Presente tabata e represenante di Svb San Nicolas, miembronan di Quota Club Aruba, famia y invitadonan special na e ocasion di e celebracion pa e dia Internacional pa esnan cu deficiencia Auditiva , “International Day of Deaf”.
Quota Club di Aruba ta gradici henter nos comunidad di Aruba pa nan aporte y ta pidi pa sigui ta conciente di e Cuido di Bo Oido; ta un so Bo tin!”