Ivy Simon presidente di Quota Club Aruba durante un conferencia a splica cu Quota ta cumpliendo su 33 aña di existencia na Aruba. Tin cu para keto un rato y bisa algun di e instancianan cu organisacion cu durante añanan y temporada di carnaval ta copera cu Quota. A bin ta trahando di cerca cu un persona sin cu nos a spera y nos tabata tine den mira y kende aña pasa a ser reconoci como hende muhe di aña Sra Janine Rodriquez a traha y ta trahando cu Janine ultimo añanan.
Ivy a menciona cu Janine na varios momento unda bo mira slachtofferhulp bo ta mira Janine y unda tin slachtofferhulp bo ta mira e beertje y e motibo y e razon di e beer hopi hende no sa. Durante e conferencia Sra Ivy a sa di duna Janine un beer tambe y a gradici Janine tur e trabou cu e ta haciendo pa añanan y a dune un reconocimento.
Ivy Simon tambe ta reconoce Web, unda tambe ta aporta cerca Quota pa loke ta e earplugsnan pa 11 aña largo y Glen Rock tabata presente y hunto cu miembronan di Quota Glen Rock ta duna charla na e scolnan.
Ivy Simon tambe ta reconoce Sharine Geerman cu ta trahando hunto cu Cruz Cora pa hopi aña y tempo di SAC tambe y e mes ta busca y cumpra cahanan di earplugsnan y concientisa e muchanan y comunidad, y di e forma aki Sra Ivy kier a gradici Cruz Cora pa e ayudo.
Ivy Simon a gradici tambe Fundacion pa nos muchanan, polis cu semper t’ey pa Quota.
Sharissa Tromp di Sociaal CrisisPlan tambe tabata presente y ta anuncia cu Quota tambe ta forma parti di e Sociaal CrisisPlan den 2019 y den 2020 por spera mas apoyo.
Cu tur miembronan presente kier manda e conseho pa comunidad cu den Carnaval 66 no laga zonido duro daña bo beis.