Diamars 13 di Juni, Central di Polis ta manda un patruya pa e restaurant “Quinta den Carmen” pa un caso di kiebro. Na nan yegada nan ta papia cu e persona encarga, e cabayero K, cu a declara cu pa mei anochi, el a cera e restaurant y el a laga tur cos na ordo. Pa mas o menos 3 or y 10 di marduga e ta ricibi un yamada door di e siguridad cu e alarma di e porta principal a bay on. Siguridad tabata na e sitio y nan a ripara cu e caha di placa a somenta. E security P., a declara cu e tabata na e parti patras di e restaurant ora cu e alarma a bay on. Door di esey el a bin di biaha dilanti y e ta wak dos homber sali na careda for di e restaurant. Nan tabata bisti den un t-shirt, carson largo color scur y cu cara tapa. E securtiy ta sospecha cu nan tabata papia Papiamento. Central di Polis a wordo poni na altura.