Diamars atardi den Parke Arikok na e entrada bay direccion pariba un turista masculino riba quadracer a perde control riba e caminda di asfalt bay dal den e acera y bolter. E homber a corta su curpa y keda basta herida. Polis di trafico tabata presente y personal di ambulans a logra drenta paden cu ayudo di park ranger bay te na unda e victima ta. Asina paramedico a atende cu e homber herida y a pone riba e backboard den baki di e pickup di parke y a sali cune te na unda e ambulans ta staciona. Polis di trafico a haci nan investigacion cu ayudo di departamento tecnico pa saca potret.