LONDON, Reino Uni- Un homber na Reino Uni a descubri na un hospital cu el a biba dos aña cu’n Q-tips den su craneo.
Un articulo a publica den e ultimo volumen di e revista BMJ Case Reports, a señala cu e pashent di 31 aña y residente di e ciudad Coventry, a wordo hospitalisa urgente despues di cu el a cay flauw. E homber tabata bin ta sufri di atakenan, dolor di cabes y di horea, como tambe humedad den un di su aparatonan di auditivo.
Den e dianan prome cu el a wordo cu el a wordo hospitalisa, e pashent tabata tin sacamento y tabata tin problema pa recorda e nombernan di personanan. Su dokter a diagnostica e homber cu’n infeccion den su horea robes y tabata bou di tratamento, pero sin cu e tabata mehora.
No obstante, na e hospital nan a descubri cu e causa di e problema tabata den su craneo. No ta mucho cla cuanto tempo e tabata tin e Q-tips den canal auditivo di e pashent, pero e homber sufri di perdida di oido durante e ultimo 5 añanan.
E Q-tips a wordo saca y dokternan a diagnostica cu e pashent tabata sufri di un infeccion poco comun yama otitis externa necrotizante. Ademas, e informe medico ta señala cu e qtipsnan aki ta un di e causanan mas comun di infeccion y lesionnan den oido.