PYONGYANG, Noord- Korea- E pais Asiatico aki a dal un paso grandi den su obhetivo di comberti su mes den un potencia nuclear, segun varios fuente cercano na e analisis di e programa militar Norcoreano.
Un informe di Washington Post tabata e prome den revela e evaluacion confidencial di inteligencia Mericano cu ta conclui cu Pyongyan a desaroya un ojiva nuclear capas di biaha paden di su misilnan.
Washington Post a informa pa prome biaha di e detayenan di evaluacion diamars, poco ora despues di cu Noord- Korea a menasa di tuma “medidanan fisico” den respuesta na e sancionnan den su contra di e Conseho di Siguridad di Nacionnan Uni durante e fin di siman. Esaki ta door di e dos pruebanan intercontinental di misilnan balistico di Pyongyang na Juli.
“Comunidad di Inteligencia a sigura cu Noord- Korea ta produciendo armanan nuclear pa entreganan den misilnan balistico, cu ta inclui misilann di clase intercontinental”.
Previamente CNN a raporta cu inteligencia di Merca ta calcula cu Pyongyang lo por tin e capacidad di lansa un arma nuclear pa Merca otro aña.
Fuente: http://cnnespanol.cnn.com/