PwC Aruba ta organisa diamars dia 8 di November 2016, pa di 6 aña consecutivo, su Masterclass Leadership cu lo tuma lugar na Renaissance Convention Center na Aruba. E PwC Masterclass Leadership ta forma parti di e PwC Leadership Academy 2016 y ta ser duna den colaboracion cu Universidad di Aruba.
E aña aki lo ta e di seis edicion di e PwC Masterclass Leadership y lo tin como topico ‘Lead with impact’.
Pa duna contenido na e topico aki PwC a invita dos keynote speaker internacional. Den e parti mainta señor Christopher Tamdjidi lo inspira e participantenan cu strategianan di e conocido buki “The Art of War” di Sun Tzu. Aparte di esaki, participante nan lo siña mas di con pa lidera cu impacto y con pa pone esaki den practica.
Parti merdia señor Ruben Goedhoop, Director di PwC Advisory lo hiba palabra pa informa y motiva e publico presente mas tocante e topico. PwC Advisory ta hopi contento pa informa cu señor Ruud Gullit lo clausura e PwC Masterclass Leadership 2016. E team dinamico di PwC ta trahando duro un biaha mas pa organisa e evento tan special aki.
PwC Masterclass Leadership 2016 ta specialmente dirigi na directornan, managers y futuro lider nan local pero tambe na nivel regional. E evento aki tin como meta pa comparti informacion tocante diferente forma di liderasgo efectivo, unda cu participantenan lo por fortalese of renoba nan habilidadnan den esaki. E Masterclass aki ta habri pa tur hende di e Leadership Academy di PwC pero tambe pa tur esnan cu tin interes den fortalece nan habilidadnan di liderasgo.
Pa mas informacion tocante e PwC Leadership Academy por tuma contacto cu Shelby Maduro na +297 522 1647 of via e-mail: [email protected]