PvdA a logra 6 asiento den eleccionnan parlamentario Europeo, un asiento mas den e prome encuestanan pa cu eleccionnan Europeo. PVV y SP ambos ta perde nan asiento den parlamento Europeo. Esaki ta segun resultadonan preliminar cu ANP a publica.
Cu e 6 di e 26 asientonan Hulandes den parlamento Europeo, PvdA ta bira e partido mas grandi di Hulanda. E dos partidonan VVD y CDA, ta logra 4 asiento. GroenLinks y Forum voor Democratie, ambos ta logra 3 asiento. ChristenUnie/SGP y D66 ta saca 2 asiento. 50PLUS y Partij voor de Dieren ambos ta logra saca 1 asiento.
Posiblemnte e salida di PVV for di parlamento Europeo no ta definitivo. ORa cu e Britaniconan bandona Union Europeo, Hulanda ta haya 3 asiento extra den parlamento. Den e caso aki ainda PPV lo por conta ariba 1 asiento. Despues di e Brexit, GroenLinks, cu e resultadonan preliminar aki, lo haya un asiento extra despues di Brexit, mescos cu VVD.