DEN HAAG, Hulanda – Diederik Samsom y Lodewijk Asscher lo haya sa awe merdia ken di nan dos lo sigui como lider di e partido durante e eleccionnan di Tweede Kamer na Maart. E ganado di e eleccion di lider di partido lo spera un peso basta pisa. E partido na mando ta schommel den encuestanan rond dies asiento.
Pa 4’or y mey di awe tardi (ora di Hulanda), PvdA lo laga sa si e miembronan di e partido lo kies Samsom, kende ta lidera e partido desde 2012, pa dune un chens mas of deposita nan voto riba Asscher. Segun encuestanan reciente ta mustra cu e lider di fraccion y e vice prome minister no ta inferior na otro.
Un encuesta ta duna Samsom un delantera chikito, cerca e otro ta contrario.
Samsom a biaha durante e campaña na varios ciudad y den henter pais y lo ta disfruta di un sosten di hopi miembro fiel di e partido.
Esnan desepciona y miembronan nobo di PvdA lo por mira algo den Asscher. E partido tin pa e ultimo gruponan a baha e drempel pa asina dicidi hunto riba un lider di partido. Nan tabata por a bira miembro di inmediato y asina laga nan influencia conta. PvdA ta spera cu e eleccion dentro di e partido por dun’e un aspecto nobo.
Fuente: ANP