E partido actual na mando na Hulanda, PvdA lo kier baha e tarifa di belasting pa corantnan digital, revista y tambe bukinan. Medianan digital lo mester paga e mesun tarifa di belasting manear corant, revista y bukinan no – digital, dus di 6 porciento.
Actualmente e tarifa di belasting riba un corant digital ta casi 3 biaha mas halto cu e version riba papel. Esaki no tin ningun logica y no ta husto tampoco, segun miembro di Tweede Kamer pa PvdA, Henk Nijboer.