MOSCU, Rusia – Presidente di Rusia, Vladimir Putin, ta desaproba planea un debate riba e restitucion di e monarkia den e pais, Krelmin a recalca awe riba e dia cu ta cumpli un siglo desde e abdicacion di e ultimo tsar, Nicolas II.
“Den e ultimo cinco añanan, a puntr’e varios biaha riba e tema y a haya su mes obliga na responde den un of otro contexto. Putin a afronta si optimismo ideanan semehande,” e vocero di Kremlin, Dmitri Peskov, a bisa ora di a wordo puntra pa periodistanan riba e conveniencia di restitui monarkia na Rusia.
Poco antes, e hefe di Krim anexa, Serguei Axionov, a sigura cu “Rusia tin mester di monarkia.”
“Nos no mester un democracia manera cu medionan occidental a promove. Nos tin nos balornan tradicional, ortodoxo. Den e condicionnan actual,caminda cu nos ta enfrenta na un enemigo exterior, democracia ta sobra. Mi ta referi na e libertinahe cual hopi ta compronde como democracia,” e lider di Krim a bisa.
Peskov a comenta cu e palabranan di Axionov, ta refleha unicamente su opinion personla y a joke cu “no por tin monarkia den un region determina di Rusia.”
Awe, shen aña pasa, e ultimo monarca di e dinastia Romanov a renuncia e trono, despues cu e Revolucion di Febrero a pone na e mesun banda e obrero, burgues, solda y manifestantenan, halsa un bandera cora den e palacio real, mientras cu nan tabata canta e Marseillaise y tabata canta hunto e palabra “republica.”
For di eynan, tsarismo tabata tin e dianan conta, aunke ningun hende a imagina cu e acontecimentonan lo a caba cu e yegada di poder di e Bolcheviconan (na October di e mesun aña ey) y a fusila henter e famia real na 1918.
Tras e caida di Union Sovietica, Iglesia Ortodoxo Ruso a santifica e famia real y tanto Boris Yeltsin, e prome presidente Democraticamente eligi den historia di Rusia, como Putin, tabata participe di e credo nobo.
No obstante, ta poco Ruso cu ta apoya e reinstauracion di monarkia y di hecho, un tercio di e poblacion ainda ta valora positivamente e labor di e dirigentenan Sovietico manera Lenin, cual mausoleo ainda ningun hende a retira for di e Plaza Cora of Stalin.
Fuente: http://www.eldiario.es