MOSCU, Rusia – E presidente Ruso, Vladimir Putin, a afirma diahuebs cu Rusia ta dispuesto pa coopera den e lucha contra terorismo internacional cu e Administracion nobo di Merca, cu lo wordo encabesa pa Donald Trump.
“Nos ta confia den uni forsa cu Merca, den e lucha contra un menasa real y no inventa: terorismo internacional,” Putin a bisa durante un discurso riba e estado di e nacion dilanti ambos camara di Parlamento
Putin a sigura cu Kremlin no ta interesa den “antagonismo”, “ni busca enemigo” y kier normalisa e relacionnan cu Merca “den un plano di igualdad.”
“Nos tin un responsabilidad comun na ora di garantisa e siguridad y stabilidad internacional y fortalece e regimen di no proliferacion,” el a señala.
El a subraya cu “e cooperacion entre Rusia y Merca den e solucion di problemanan global y regional, ta responde na interesnan di henter mundo.”
“E tarea aki tambe ta wordo cumpli pa nos soldanan na Siria,” el a recalca entre aplauso di esnan presente den Sala di San Jorge di Kremlin.
Alabes, el a recorda cu “cualkier intento di kibra e parida strategico ta extremadamente peligroso y por conduci na un catastrofe global.”
“Nos no por lubida esaki ningun momento,” el a adverti.
Fuente: NTN24