Diahuebs anochi autoridad ta keda informa cu riba e caminda di Palisiaweg na San Nicolas tin grupo di auto ta pustando cu otro. Polis a topa cu algun di e autonan den Caya Jose Geerman y a dunanan señal pa para y tur a cuminsa core manera loco riba un velocidad. Den Palisiaweg polis a core tras di un toyota glanza coriendo iresponsabel y e chauffeur a perde control riba e caminda conecta cu Brazil. E auto a basha un cura di cas abou y e impacto tabata fuerte, tanto un dama y un cabayero a keda levemente herida, Polis a detene e cabayero pa core iresponsabel. Ambulance a presenta cu urgencia na e sitio y polis di departamento di trafico tambe. Polis a tuma e vehiculo den beslag, aki por tuma nota con pustamento y core pa polis ta caba na accidente fuerte.