TALKEETNA, Alaska – E alcalde di e pueblo Talkeetna na Alaska, e pushi Stubbs, e fin di siman cu a pasa, a fayece despues di 20 aña.
Stubbs a wordo scogi como alcalde di Talkeetna na 1998. E habitantenan di e pueblo, situa den lo mas nort den e estado Mericano, no a mira ningun candidato adecua pa por vota p’e y a dicidi pa lansa un campaña pa e pushi.
Cu exito, pasobra Stubbs a wordo scogi como alcalde di e pueblo cu desde e momento eynan, no tabata tin ningun hende, esta humano, como alcalde. Talkeetna ya pa varios aña cu a sigui tabata un atraccion turistico berdadero. Tur dia varios turista ta bay e pueblo pa asina topa cu e alcalde.
E pushi a sobrevivi na 2013 ainda, despues di un atake di un cacho, pero e fin di siman aki, e doñonan di dje, a anuncia di su fayecimento den un declaracion.
Fuente: www.nu.nl