Pulmantur ta pidiendo si tin espacio pa 2017 y 2018, esta e high season. APA a haya un peticion pa 25 calls extra den e high season ey, segun director financiero di APA, sr. Humphrey Tromp.
Pulmantur ta biniendo solamente cu Zenith den Low Season, pero no tin luga suficiente. Awor aki, hunto cu nan, cu e agencia a traha riba cierto programacion. Nan ta bin un siman si, un siman no, yegando na 12 calls posiblemente. Eynan tin 3 calls pa 2017 y 2018. Nan no ta den e cifranan awor aki, pasobra tin cu haya un confirmacion di nan. Hopi biaha nan ta pidi luga, pero na momento cu confirma, e ora ta hinca nan y sali cu e cifranan. Miho so e por sigui bira y contento con e forma cu ta trahando hunto y ta wak e fruta.
E barconan ta birando mas grandi, Tromp a splica. Si compara den pasado, tabata tin 350 barco. Awor ta bay proyecta cu lo bay haya 320, pero e barconan ta birando hopi mas grandi. Nan ta surpasa e cantidad di hende y tambe di largura.
Antes por a pone 2 barco, cu ta di 280 meter. Por a pone nan den e basin. Si e barconan ta riba 300 meter of 340 meter, pone e dosnan na e main cruise terminal y un na parti di carga, no por uza e basin, pasobra e mooring lines ta tapa e basin.
Mirando cu tin e parti di carga cu ya no tey mas, ta haci uzo di nan, segun Tromp. Ta bay sigui dreche, pasobra tin e peticion pa dado momento Freedom por bin, na unda cu ultimo momento aki e Manager Nautico a bay Puerto Rico y haci confirmacion kico adicional mester haci na e boulder cu tin cu pone. Lo bay haci un maintenance dredging eynan y tambe na e canal di entrada y salida, pa asina amplia esaki pa e barconan ey, cual ta esunnan di mas grandi te awor aki.
Tromp a sigui splica cu cuater barco por ancra. Den pasado tabata tin cinco barco chikito. Si ta dos barco riba 300 meter, ta te cu tres. No mester concentra solamente riba e cantidad di barco. Tin biaha kier mira mas barco y bo ta haya cu e cantidad di turisma. Por bin cu e barconan grandi, pero si nos no tin suficiente taxi, of e trafico ta pega, of no ta haya suficiente tour di calidad, esey tambe por ta cu no ta sigui haya efecto. Experiencia cu e turista a pasa aden, ta pone cu e ta bay bin bek. Tin cu percura pa ora cu na momento cu sigui crece, cu no ta APA cu tin e infrastructura pa yuda nan, pero cu e otro servicionan cu tin cu wordo brinda, tambe por wordo duna. Pero ta trahando hunto riba esey y pa bay wak riba e surveynan cu ta wordo haci. Awo ta mehora so tin cu sigui mehora, segun Humphrey Tromp.