SAN JUAN, Puerto Rico- E gobernador di Puerto Rico, Ricardo Rosello diaranson a anuncia cu e isla ta declara su mes failliet pa asina por reestructura su debe miyonario di mas di 70 biyon dollar.
Rosello a haci e anuncio aki ora cu el a caba cu e retraso cu tabata impedi e debitornan di acudi na Corte pa reclama e pago di e deuda di e Puerto Rico, un estado libre asocial di Merca.
Un proceso di bancarota na Puerto Rico lo ta esun di mas grandi den historia di e Mercado di deuda local di Merca.
E isla ta pasando den un crisis economic severo, cu un tasa di pobresa di 45%, un desempleo haltisimo y un poblacion cu ta bahando door di e emigracion di e habitantenan pa e Merca, ya cu habitantenan di Puerto Rico ta ciudadanonan Mericano.
Poco despues di e anuncio, funcionarionan di e isla a notifica e decision na e hunta di Supervision Fiscal (JSF), estableci pa Congreso Mericano.