SAN JUAN, Puerto Rico- Gobernandor di Puerto Rico, Ricardo Rosselló a comberti e proyecto di ley cu ta permiti pago igual pa empleo igual pa e hende muhe, cual lo ta conoci como Ley di Igualdad Salarial
E prome ehecutivo a firma e ley nobo aki den e patio interior di La Fortaleza unda cu el a comparti cu e Concilio di Hende Muhe. E creacion di un status nobo a tuma luga ariba e Dia Internacional di Hende Muhe.
“Awe nos ta dal un stap, pero e berdad ta, cu esaki ta e comienso”, segun Rosello. El a probecha e ocasion pa pensa ariba e hende muhenan cu a impacta den su bida.
Den e mesun rosea el a menciona su wela Irma, su mama Maga Nevares, su casa Beatriz y su yiu muhe Claudia Beatriz. Di cada un di na, e gobernador a menciona un atributo.
Durante e actividad, e gobernador tabata rondona door di varios muhe prominente di gobierno, incluyende e Prome Dama di e pais, Beatriz Rosselló, secretaria di Husticia, Wanda Vázquez, hefe di polis, Michelle Hernández, y president di e Tribunal Supremo Maite Oronoz. Hopi di nan tabata bisti na color roos.
E ley ta prohibi e discriminacion salarial pa motibo di genero, y ta rekeri igual habilidad, esfuerso y responsabilidad bou di condicionnan di trabao similar. Segun Rossello esaki ta haci e statuur un di esunnan mas husto cu a yega di wordo aproba den historia di Puerto Rico.
Fuente: https://www.elnuevodia.com/