GUJARAT, India – Mientras cu e nacion cu mas hende na mundo, China, tin restriccion riba e cantidad un pareha por haya, India – cu ta yegando China pa loke ta conteo di hende – no ta impone tal ley riba su ciudadanonan.
Como resultado, hopi famia Hindu, ainda encadena na patriarcismo, no ta mira esaki como un problema den keda produci yiu te ora cu un yiu homber nace. Y tin biaha, henter un pueblo tin cu interveni pa asina pone un paro na esaki.
Un pareha den e estado occidental Hindu di Gujarat, cu tambe ta e estado natal di e prome minister Narendra Modi, mester a wordo para door di oficialnan local pa haya nan di 18 yiu, segun The Times of India a reporta.
Procedente for di e area tribal den Gujarat, e pareha aki tin solamente un yiu homber y 16 yiu muhe, pero nan buskeda di nan di dos yiu homber ta depende di nan discrecion. Te ora cu “e habitantenan a persuiadi nos pa pone un stop na expansion di ns famia,” Ramsinh Sangot, e tata di 44 aña a bisa e corant.
“Prome, mi tabata kier un yiu homber. Pero despues di a haya asina hopi mucha muhe, desesperadamente mi tabata kier yiu hombernan pa wak pa mi mucha muhenan. Pero esey no a pasa.” Ramsinh Sangot a bisa.
Pero riba persuasion di e habitantenan, e y su casa Kanu, di 40 aña, finalmente a dicidi di stop.
Fuente: www.wn.com