PUBLIER, Francia – E pueblo Frances Publier mester remove e imagen di birgen Maria cu tin bista riba e lago di Geneve riba orden di hues. E figura religioso cu ta riba tereno di e municipio ta den lucha cu e separacion estricto entre iglesia y estado, segun BBC.
E alcalde a haya tres luna di tempo pa remove e imagen di Maria, cu ta para eynan desde 2011. Si e no haci esaki, e municipio ta haya un boet di 100 Euro pa dia.
Alcalde Gaston Lacroix ta spera cu e por logra di haya e imagen aki riba un tereno priva. Localmente a surgi ya caba hopi discusion riba e obra religioso cu a wordo financia cu fondonan di belasting.
Fuente: De Telegraaf