Riba un dia manera awe, 18 di januari, 1939, un pionero den steelband na Aruba, Edgar Connor a nace y 83 aña sigur ta algo di celebra.
Aunke cu e no tey mas su famia, amigo y conocinan, a reuni hunto cu den e cayanan di San Nicolas, caminda a rindi un homenahe claramente bon mereci na e figura aki.
Un cantidad di persona a asisti na e celebracion aki,
James Edgar Connor, pionero di e musica di Steel Pan na Aruba, master steelpan builder y fundado di Aruba Invaders Steel Orchestra, a cuminsa cu su amor pa e musica di Steel Pan a traves di su dedicacion y pasion den su instrumento melodico, experimentando cu e proceso di crea e “pan” for di e drumnan di petroleo. a traves di trial-and-error y un tiki di suerte, el a converti y a mehora e zonido – di su pan.
“Practice makes perfect” y e reputacio di Connor como un craftsman surpasa esun di un showman. E tabata e Aruba’s no. 1 Pan Man.
Entusiasma p’e posibilidadnan cu e instrumento tin y e musica, su nomber a bira sinonimo cu e Steel Pan na Aruba.
Hunto cu su casa Gloria Thomas-Connor, nan a crea un impacto indudabel den e herencia cultural y musical di Aruba.
Sweet Pan Music Productions un biaha mas a organisa e evento musical aki, ‘Honor to Connor Steelband Extravaganza’. Esaki tabata e di tres edicion di e evento unda a recorda e fecha natal di e pionero grandi aki den Steel pan.
