Den fin di siman e team di Taekwondo Aruba a subi caya pa duna pueblo e oportunidad pa deposita den e botin. E team di Aruba ta bayendo Fort Myers pa representa Aruba den e Southwest Florida Taekwondo Championship.
Team Aruba lo participa den e ultimo campeonato Internacional pa aña 2022. Despues nan lo tuma un descanso di dos siman pa cuminsa prepara pa aña 2023. E team tin un calendario y lo participa den campeonato casi tur luna. Nan ta cuminsa na Merca te na Azia.
Team Aruba ta gradici tur automobilista cu a kere den nan y cu a deposita nan confiansa den nan.
