SMAC ta anuncia na e publico Carnavalesco cu ta preparando duro pa e ultimo weekend grandi di Aruba su Carnaval. Un temporada cu a cana nechi den tur aspecto y cu ta premira di lo termina mahestuosamente.
Riba diabierna 24 di Februari ta e Parada di Luz na San Nicolas. E ta programa pa sali 8’or en punto bou di guia di e Comision di Parada di Luz, SMAC y KPA. Por spera di wak tur gruponan di carnaval. A tira lot pa e secuencia y ta lo siguiente;
Dushi Carnival Group 2. Champagne Carnival Group 3. Empire Carnival Group 4. Royal Carnival Group 5. TOB Carnival Group 6. Los Laga Bai 7.OPC 8. Last Lap Band BMW
Diasabra ta sigui cu Aruba su Grand Carnaval Parade San Nicolas. Esaki ta programa pa sali 12’or di merdia. Secuencia ta lo siguiente;
Dushi Carnival Group 2. Champagne Carnival Group 3. Unity Carnival Group 4. Los Laga Bai 5. OPC 6. TOB Carnival Group 7. Grupo Chelo Loco 8. Royal Carnival Group 9. Empire Carnival Group
Diadomingo ta toca turno na Aruba su Grand Carnaval Parade Oranjestad. Esaki ta programa pa sali 11’or di mainta for di Aruba Entertainment Center. Secuencia ta lo siguiente;
Dushi Carnival Group 2. Champagne Carnival Group 3. Unity Carnival Group 4. Royal Carnival Group 5. Grupo Chelo Loco 6. TOB Carnival Group 7. Empire Carnival Group 8. Los Laga Bai 9. OPC
Diadomingo anochi pa 8or di anochi SMAC ta invita e publico y participantenan di Carnaval pa join e celebracion den Harbour Arena na unda lo Kima Rey Momo. Lo bay tin animacion musical y show di vuurwerk tambe.
SMAC ta conseha cu enfasis pa group leader, participante y bandanan presenta na ora na e inicio di e ruta pa asina gruponan por sali bunita, completo y organisa riba caminda. Ta desea e gruponan hopi forsa, exito y ambiente sin fin e weekend aki. SMAC ta invita Aruba pa sali e weekend aki pa apoya Aruba su Carnaval. Ta spera e publico na banda biba cu e Carnaval y e participantenan, den un manera sano y festivo.