PARIS, Francia – Paris Saint Germain a golea Barcelona 4-0 den e partido pa e octavonan di final di e Liga di Campeonnan cu a wordo disputa den e stadion Parc des Princes di Paris.
E Argentino, Angel Di Maria, kende a delanta e conhunto Frances na e di 18 minuut di wega cu un cobro di tiro liber, a converti den e gran protagonista di e encuentro, tras firma na di 55 minuut e di tres, tanto di Paris Saint Germain y su di dos di e encuentro.
Nan a completa e score pa e conhunto, dirigi pa e Spaño Unai Emery, e Aleman, Julian Draxler, kende a anota den e di 40 minuut 2-0 y e delantero Uruguayo Edinson Cavani, kende a establece den e di 72 minuut, e definitivo 4-0.
E ekipo Parisino a domina e accionnan for di e prome minuut y a stuf Lionel Messi y Luis Suarez, e streanan grandi e conhunto catalan, for di campo. Solamente Neymar a purba durante henter e encuentor, pero den uno y otro biaha, el a boks contra e defensa local.
Barcelona, totalmente desdibuha y sin control di e bala, nunca a hinca un pia den e campo di wega y casi no a dal riba e arco.
PSG, elimina pa Barca den e cuartonan di final di e torneo na 2013 y 2015, lo defini su pase na e isntancia di e ocho mihonan dia 8 di Maart den Camp Nou.
Fuemte: El Colombiano