Den e reunion di chauffeurnan di Autobus cu Minister Chris Romero a trece e tema dilanti tambe di e cantidad grandi (excesivo) di autobusnan cu ta core ariba e ruta. Sra. SOnia Vrolijk ta amplia mas ariba e tema aki.
RUTA
Ariba e ruta di San Nicolas – Playa tin demasiado autobus. E chauffeurnan ta sobreviviendo, mirando cu nan ta parti e rutanan entre e warda di mainta pa merdia y merdia pa anochi. Dia cu e chauffeurnan bisa cu tur ta traha henter dia, e ora si nan no ta sobrevivi mas. Si kita sikiera 8 bus, e ora nan por tin un poco alivio.
PROYECTO
Tin basta proyecto cu lo mester bin San Nicolas, pa cual Sra. Sonia Vrolijk a bisa cu si e proyectonan aki bay door, e ora esaki lo ta un alivio pa San Nicolas. Por bisa cu San Nicolas ta morto. Antes cu e refineria tabata t’ey, por a lora, tabata gana algo, pero aworaki loke nan ta gana ta di baina nan por sobrevivi cun’e, segun Sra. Sonia Vrolijk.