Proyecto VIBES4Youth pa algun aña ta ofrece diferente curso y workshop pa
lidernan boluntario aki na Aruba. Organisacionnan social y gruponan di bario como
tambe lidernan di campamento a sa di probecha di esaki pa asina desaroya. Clubnan
deportivo y coachnan tambe ta forma parti di e grupo meta. Hopi mucha y hoben ta
practica un deporte y e lidernan boluntario aki ta hinca hopi tempo den na trabou.
Aruba Sport Unie hunto cu VIBES4Youth ta extende un invitacion pa tur federacion y
club deportivo pa un anochi di informacion.
E proyecto VIBES4Youth ta un proyecto di CEDE Aruba y den e anochi informativo aki tur
presente lo haya un splicacion amplio di kico CEDE Aruba ta hasi. Coordinadora di
VIBES4Youth tambe lo duna un splicacion amplio di e proyecto como tambe dicon e ta
importante pa e federacion y club deportivo forma parti di dje. E proyecto ta traha cu pakete A, B y C.
Pakete A: Strategia y Maneho ta enfoca riba e miembronan di Directiva, Miembro di Comision di Bario, Coordinadornan y Lidernan di Grupo. Pakete B: Traha y anda cu e grupo meta y Pakete C: Movecion, Salud y Deporte ta enfoca riba e coachnan deportivo, lidernan recreativo, boluntarionan den gruponan di bario, lidernan di campamento y lidernan di grupo.
Nos ta invita tur federacion nan Aruba como tambe tur club deportivo pa manda un representante pa asina ser informa di e proyecto aki. E anochi informativo aki ta tuma
lugar diaranson 17 di mei na Compleho Deportivo Santa Cruz. Orario lo ta di 7-9 pm.
Registracion por via: Aruba Sport Unie 5854071, CEDE Aruba, 5827666 of VIBES4Youth
5696406. Por manda un mail tambe pa: [email protected]