Proyecto ‘Stick in the Alley’ di studiantenan di IPA na Centro di Actividad Rancho

Tres studiante IPA a bin cu e proyecto Stick in the Alley. Aki hendenan por bin siña cana ariba palo y baila manera Moco Jumbie na Centro di Actividad Rancho. Esaki ta un tradicion di carnaval di Africa, cu ta hopi popular na Trinidad & Tobago, y tabata popular den Aruba su carnaval tambe. E studiante, Roxanne Brete ta elabora mas ariba e proyecto aki.

E idea di e proyecto aki a cuminsa aña pasa, ora cu Christine Chen un artista di Trinidad & Tobago a duna un presentacion na Centro di Actividad Rancho, over di e tradicion di Moco Jumbie, cu ta basicamente cana y baila ariba palo. Esaki tabata asina exitoso cu Centro di Actividad Rancho a dicidi di cuminsa oficialmente cu e proyecto aki, cu ta completamente financia pa Samenwerkende Fondsen. E meta principal di e proyecto pa na final di e workshop na november, pa crea un grupo di Moco Jumbie na Aruba. Esaki lo consisti di 15 hende of mas cu lo participa den Aruba su carnaval e proximo añanan.

E workshop lo tuma luga tur diadomingo, cuminsando for di april te cu november. Ta pidi tur hende pa keda pendiente pa e fechanan cual lo wordo anuncia ariba e facebook page. E ta completamente gratis. Pa e proyecto aki ta buscando di facilitado y cu ta interesa, cu sa di e tradicion of cu a yega di practica esaki den pasado, pa asina yuda nan realisa e proyecto aki cu e dunamento di e les.

Tur habitante di Rancho y bisindario como tambe Aruba en general por participa pa manda un message ariba e Facebookpage di Centro di Actividad Rancho of via email na [email protected] pa asina cuminsa inscribi di awo caba.

Comments

comments