Departamento di Obra Publico ta informa cu pa 2 di september 2016 lo bay cera parcialmente Caya John G. Emanstraat for di e crusada di Visstraat / J.G. Emanstraat te cu Emmastraat pa inicia cu e trabou di proyecto Renobacion Infra Rancho, fase 1. E parti di John G. Emanstraat lo ta habri pa trafico dia 9 di September 2016.
Lo desvia tur trafico via di Avenida Alo Tromp, Emmastraat pa yega na John G. Emanstraat. E desvio di rutanan lo ta indica cu baricadanan y borchinan di aviso.
E trabounan di proyecto Renobacion Infra Rancho, fase 1 ta tuma lugar te cu 15 di December 2016.
En conexion cu e trabounan menciona Departamento di Obra Publico ta haci un peticion na tur manehador di auto pa no haci uzo di e caminda menciona.
DOW ta pidi comprension y disculpa pa cualkier inconveniencia cu e trabounan por ocasiona.20160831-Rancho fase 1 – Emanstraat-situatie