Despues cu ATA a tene 3 anochi di informacion riba e proyecto di un mira pa futuro a papia cu CEO di ATA, Sra. Ronella Tjin Asjoe- Croes cu ta splica con e anochinan a bay y den ki direccion kier bay pa cu turismo.
ATA ta sumamente satisfecho di con e anochinan aki a bay. Tabata tin un total di 115 persona cu no ta ATA cu a participa den e sesionnan aki, cu a duna oido cu nan por ta envolvi den e trayecto di e plan di un desaroyando nos producto turistico na un manera duradero y sostenibel cu nan por ta envolvi den e trayecto di Un Mira Pa Futuro.
Ta hopi bunita pa mira cu ta un representacion amplio y mester bisa cu, esaki ta parti di acercamento di ATA. For di aña pasa, ATA tin diferente comisionnan cu a wordo forma y diferente gruponan cu ta wordo califica como “incubated sessions” y “groups”
E plataforma ey caba ta duna ATA un input di 120 persona pa e trayecto aki, na un manera mas structural. Habriendo esaki pa publico, a haya un representacion amplio. Por a aprecia maestronan di scol, ex- politiconan, studiantenan, pensionadonan. Sra. Tjin A Sjie- Croes a bisa di ta hopi contento cu e acogida cu e representacion diverso cu tabata tin den e plataforma aki.
Desde cu a inicia cu e trayecto for di aña pasa, e ideanan ya caba a resulta den parti di e rapport caba, y esaki ta duna e oportunidad pa reconfirma cierto cosnan, test cierto pensamentonan y asina ahusta y incorpora cosnan nobo cu a bin acerca.
ATA tin un pagina di Facebook Mira pa Futuro y tambe un website bou di e mesun nomber. Interesante y bon pa añadi lo ta bon pa e comunidad pa medio di diferente encuestanan cu nos lo ta lansando for di red social manera Facebook y asina permiti ideanan bin dilanti. Cualkier feedback ta bon bini y tur hende por bishita ATA su pagina di Facebook y tambe nan website.
E representacion ta hopi amplio, pues ATA tin comisionnan cu ta dirigi riba tema di tecnologia, otro riba tema di cultura, innovacion, dus diferente categoria di temanan, cual tin diferente expertonan, di aparatonan gubernamental pero tambe NGO ‘s y otro expertonan den comunidad. Pues e plataforma ey structural lo sigui cu reunionnan cu lo sigui tuma luga e luna cu ta bin aki, pa asina yega sigur na final di e documentonan.
ATA tin un meta ambicioso pa finalisa e proyecto aki na final di maart, pa asina esunnan cu ta riba nivel di fiha maneho, fiha plannan y sigur considerando e temporada actual. Den e temporada aki, hopi di esunnan cu ta postula nan mes pa goberna e pais aki, tene cuenta cu e feedback cu ta bin dilanti, Sra. Tsjin A Sjoe- Croes a finalisa bisando
