December ultimo a firma un MOU cu Minister Martina di Corsou, pero siman pasa el a entrega su funcion. Tin un retraso di un par di luna pa motibo cu Corsou ta wak ken lo por tuma e proyecto di Fast Ferry over.
Tin cierto gastonan cu Aruba y Corsou tin cu parti den mitar y cubrinan. Siman pasa a combersa cu minister di transporte di Corsou y tin interes pa e diversificacion den economia.
Corsou lo por duna un contesta na cualkier momento, no ta bay tarda mucho. Mester corda si cu no ta Aruba so ta dicidi, ta Corsou tambe.
Tin un ley na Directie Wetgeving cu mester keda cla pronto, despues pa e bay Raad van advies. Ta trata di e ley di San Nicolas Ports Authority.
Tin un pida tereno basta grandi den refineria y un parti maritimo tambe. Ta spera cu por trata e ley prome cu receso. Una bez cu trata e ley, nos tin tereno, nod tin tur cos na su lugar pa trece e diferente desaroyo manera : e Fast Ferry y tin hopi interes di companiadi cruise ships pa mara na San Nicolas.