Minister Dangui encarga cu turismo a haci su persona con ta bayendo cu e proyecto di port city y Minister Dangui Oduber a informa cu esaki ta un proyecto den pipeline desde cu waf di carga di Oranjestad a bay pa Barcadera y henter e area aki a keda habri pa un desaroyo.
Tabata hopi aña di consulta y planificacion y kico ta e mix cu pais Aruba a keda falta pa desaroya, y e mix aki sigur e comunidad por ta satisfecho di esaki y uso di e 100% di area cu tin habri pa desaroya, pero 30% so lo keda desaroya y di cual e otro 70% ta bay na area publico parkenan pa comunidad y area di parkeo y area di haci ehercisio.
Minister a duna di conoce cu a yega na un bon mix di inversion cu lo tin di keda haci, conhuntamente cu Aruba Ports Authority y a lansa e proyecto aki aña pasa y desde e momento ey tabata den e finalisacion di e transpaso di e terenonan pa e erfpak overeenkomst keda firma entre DIP y APA pa traspasa e ultimo terenonan di Land Aruba pa APA y esaki ta den su fase final.
Un cos cu a keda pendiente ta di e kioskonan na welcome plaza cu awor aki ta den man di Land Aruba y tambe ta forma parti entotalidad di Port City y tin cu transpasa pa APA y ta den e ultimo fase pa asina por cuminsa oficialmente cu e desataho cu mester tuma luga.
Un aña y mei atras a tene un request of interest di desaroyadornan local y internacional cu lo tabatin interes den e proyecto aki cu mester bira un inversion priva di 500 miyon dollar unda APA mes no lo bay haci e inversion aki y te inversionista desaroyadornan ta bay inverti y entradanan cu ta keda genera APA lo percurapa e infrastructura y e landscaping y e espacio publico y linear park ta e modelo financiero. Aña pasa tabatin 80 grupo local y internacional cu a expresa nan interes pa bin cu un desaroyo, minister a bisa nos preferencia pa brinda un oportunidad y posibilidad na desaroyadornan local pa haci inversion y nos ta kere cu na Aruba mes tin inverionistanan cu tin e kapital pa haci e inversion aki di Port City cu mester bira algo unico.
Tin un deadline unda minister kier mira pa e prome piedra keda poni pa e aña aki, unda lo cuminsa cu e desataho siguiendo e reglanan pa banco central unda tur desaroyador cu tin interes tin cu keda gescreen pa banco central y evita casonan cu a pasa den pasado cu otro proyectonan, y despues di tur e rekesitonan y screening estricto cu tin unda lo bay over na APA por medio di un comision multidicipinario unda lo escoge kende ta bin na remarke unda tin tres plot, lo cuminsa desaroya for di x bushiri te na e rotonde y asina conecta e otro partinan. Lo bay drecha e beach di Bushiti cu fondo di TPF, Gobierno y ATA y asina percura pa tin un bon beach pa turistanan evita cu nan ta bay pone mas presion na otro beachnan y haci bushiri un area yamativo.