Gobierno anterior a firma un protocol cu actualmente ta perhudicando pensionadonan nobo.
Dennis de Mei, kende a bira pensionado dos aña pasa, a ricibi un carta di APFA cu ta indica cu pensionadonan lo stop di ricibi cierto placa, mientras cu e pensionadonan prome cu nan si ta sigui haya esaki. Sr. De Mei a skirbi varios carta pa Gobierno, pero no a haya contesta. Riba Facebook sr. De Mei a laga sa pa pensionadonan cu ta interesa pa uni na su grupo y asina a yega na 34 pensionado. E decision, segun sr. De Mei, tabata den e bilateral akkoord di pension den 2014 y a base di esey APFA hunto cu Gobierno a tuma e decision pa stop di paga e pensionadonan cu ta nobo desde 2015 te cu actualidad.
Sr. De Mei a acudi na OPPA, e sindicato cu ta representa pensionadonan, pero nan contesta tabata cu nan no por haci nada al respecto a base di e reglamentonan nobo. E ta duna oportunidad na tur pensionado afecta p’e protocol aki cu ta perhudicando pa uni den e esfuerso aki. Y ta spera cooperacion di parti di Gobierno actual.