Caracas, VENEZUELA- Dialuna un biaha mas, Venezolanonan a subi caya, blockiando e cayanan cu saconan di sushi y badkuipnan bashi, mientras cu nan tabata organisa asina yama “sit ins”, mientras nan tabata demanada eleccionnan anticpa den e di cuater siman di protesta contra di gobierno, segun Reuters.
Durante luna di April, dies persona a perde nan bida den e enfrentamento entre polis y forsanan di siguridad usando balanan di rubber y gasnan lacrimogeno mientras e manifestantenan tabata bringa bek cu piedra y molotov cocktail.
Otro dies persona mas a muri electrocuta den un anochi di sakeonan, mientras cu president Nicolas Maduro ta alega cu e manifestantenan ta purbando di dal un golpi di estado violente cu yudansa di Merca.
Segun oposicion, nan ta pidiendo eleccionnan adelanta, liberacion di presonan politico y autonomia pa e Asamblea di mayoria opositor, cu lo por bringa e crisis economico profundo cu Venezuela ta pasando aden cu ta causando hambruna na e pais Suramericano.
E ocupacion di cayanan den tur e 23 estadonan di Venezuela, incluyendo e capital di pais, Caracas tabata tin gruponan cu a bin hunto riba e vianan principal di ciudad, hungando carta mientras cu e manifestantenan tabata duna discursonan politico.
E reciente protestanan ta e pio desde 2014 unda cu 43 persona a muri den protestannan contra di Maduro, cu ta e sucesor di e politico iskierdista Hugo Chavez.
E ultimo protestanan a cuminsa despues cu e Corte Supremo di Justicia, na fabor di gobierno, a asumi e control di podernan cu ta den mannan di oposicion den Congreso mientras cu gobierno a inhabilita e politico popular di oposicion Henrique Capriles pa cualkier cargo politico.
Fuente: wn.com