MERCA – Negoshi den ciudadnan manera Austin, Chicago, New York y Washington DC no a habri y trahadonan tabata cu brasanan cai desde diahuebs, den un gesto di respaldo na e convocatorio cu a wordo viralisa riba rednan social pero di cual ta desconoce exactamente kende a bin cun’e. “Como apoyo na tur imigrante, nos lo ta cera diahuebs,” por a lesa riba un borchi poni tras di glas di un restaurant Mexicano, cu su portanan cera den e bario di Harlem na New York.
Su doñonan a apoya e convocatorio haci pa rednan social cu e fin di protesta contra medidanan migratorio di e Gobierno nobo di Donald Trump y mustr’e e importancia di e imigrantenan na Merca.
Ta desconoce kende of ki organisacion a haci e yamado cu a viralisa cu e transcurso di e dianan pa e rednan social cu loke ta consigna “no bay trabao, no habri nos negoshinan, no cumpra den tienda of via internet, no come den restaurant, no cumpra gasolin, no bay scol, no manda nos yiunan scol.” Pero den ciudadnan di henter pais, desde Austin pa Washington DC, algun negoshi – specialmente restaurantnan cu tin un gran cantidad di imigrante na trabao – a dicidi di no habri como gesto di respaldo.
Fuente: Univision