Dr. Ricardo Contreras, veterinario ta splica riba con pa proteha nos bestianan di klapchi den e temporada di fin di aña. E ta splica.
E miho conseho ta pa tene bo cacho sigura, paden di cas si ta posibel. lo miho ta pa pone den camber cu airco, cende television of radio, cu’n volumen modera, no mucho halto. Pero si e cacho ta hopi nervioso, por dun’e un sedativo.
Pa esaki bay un veterinario, busca e remedi. No purba automedica bo cacho cu remedi bo mes, hib’e un veterinario. E veterinario por receta un remedi pa hende mes, pero cu un dosis diferente.
Apart cu esunnan cu por hiba cacho cera den camber, of duna e cachonan remedi, e dokter ta conseha pa por favor pa no mara un cacho na cadena. Un cacho ora cu e ta desespera e por hurt su mes of e por hurt su mes. Si e cacho ta nervioso y e ta sensibel pa klapchi, sin cu e cura ta cera, e cacho por huy bay caya. Si esaki sosode, niun hende no sa kico lo por bay pasa.
Un bon opcion ta pa tin un kennel, y tap’e un poco. No tap’e full, ya cu e mester di ventilacion, anto asina lo por medica e cacho.
Pa aña ta haya hopi bestia cu ta bin y tin biaha ta haya bestianan herida door di klapchi. Den añanan anterior, dokter Contreras a yega di haya cachonan cu klapchi a rementa den e cacho su cara, cu ta trece heridanan serio pa e cachonan na nan boca of cara. Esey ta algo hopi serio.
E comunidad mester ta mas consciente di e cacho, vooral na Aruba, caminda e tradicion di tiramento di klapchi ta grandi, toch mester tene cuenta cu nos mascotanan, segun Dr. Ricardo Contreras, di Contreras Veterinary Clinic.