Preparacion pa loke ta Watty Vos Boulevard ta andando. Esaki a wordo divulga durante un conferencia di prensa cu a tuma luga diamars, 16 di Mei den e sala di conferencia di DOW. Segun director di DOW, Marlon Croes, tur propiedad cu tin riba e trayectoria aki, a wordo regla. Tin cinco caso cu tin cu caba di formalisa. Palabracionnan tey, acuerdonan tey, tur ta firma. Awo e proceso di cu sigui pa pasa e actanan na notario pa asina huridicamente bira di Gobierno. E hendenan ta di acuerdo cu nan pa asina realisa esey.
Segun Croes, e cinco casonan aki ta den fasenan mas leu, cu no ta bin na remarca te asina leu.
Pa loke ta e trafico, den e caso aki por menciona cu e trafico no lo bay wordo obstaculisa den prome instante. Ta papia di hopi green field cu ta pasa parti patras, cu no tin infrastructura y ora cu ta tie-in riba e camindanan di Sero Patrishi, Tanki Leendert y Ponton, ora cu construi e rotondenan, e ora e retonan di mas grandi lo bin pa wak con ta bay desvia e trafico.
Pa awor aki, esey no ta e caso, segun Croes.