Den cuadro di e ultimo sesion di “Justice in Practice”, cu Minister di Husticia mr. Drs. Arthur Dowers a laga organisa na februari ultimo, awo ta preparando un evento informativo den e mesun cuadro pa tanto miembronan di Camara di Comercio, como tambe esunnan di ATIA. E evento informativo cu a hiba e nomber di “Justice in Practice”, teni na final di februari 2017, a cay na agrado di tur esunnan cu tawata presente. Comentarionan cu por a tende rond di personanan di sector comercial, tawata cu pa nan ta di gran importancia sa, kico tur ta wordo hasi den parti di prevencion di crimen como tambe den ki tipo di forma nan tambe lo por contribui. Departamentonan cu ta resorta bou di minister Dowers manera Kustwacht, IASA, Cuerpo policial y tambe PG mr. Van DAM, a elabora ampliamente di nan labor extenso y incansabel pa por garantisa siguridad y trankilidad den nos comunidad. Representantenan di ATIA y tambe KvK a haya e dia informativo aki cu minister Dowers a organisa, asina interesante, cu nan deseo ta pa e titular por organisa algo similar pa nan respectivo miembronan y den cuadra di esaki mes, cu e titular encarga cu husticia a duna instruccion caba, pa por planea pronto un dia informativo pa tanto miembronan di Camara di comercio como tambe es nan di ATIA. E fecha exacto no ta conoci ainda, pero a compronde cu esaki lo bay tuma luga den final di luna di maart.