Despues di 13 aña, sindicato TOPA ta logra algo grandi pa su miembronan, pa cual Sr. Rene Bernabela ta amplia mas ariba esaki.
Bayendo bek den pasado, for di momento cu sindicato TOPA a wordo funda, tabata e deseo di su miembronan pa tin un Spaar – en Kredietfonds. Sigur, pa 2019, sindicato TOPA ta mirando un lus na horizonte pa locual ta e parti di e Spaar – en KredietFonds aki cu lo bay bira un realidad pa 2019. Sindicato TOPA ta trahando duro ariba dje. Esaki ta den su fasenan di comienso. Pero siguramente den 2019, tur miembro di sindicato TOPA lo bay wak un adelanto pa locual ta e trabao cu TOPA ta haciendo ariba e parti di Spaar – en Kredietfonds.
Esaki ta loke e miembronan di sindicato TOPA ta desea for di varios aña caba y e directiva di sindicato TOPA ta trahando ariba esaki y pa 2019 lo bay tin un celebracion pa locual ta e apertura di un Spaar – en Krediefonds pa miembronan di sindicato TOPA. Seguramente lo tin di bay cuminsa prome ariba e aspecto di spaar, pasobra cu mester educa ariba e tereno di spaar, y e pakico ta importante pa spaar y despues cu pasa ariba e parti di spaar pa algun tempo, lo por bay wak e ora ariba e parti di prestamo, con lo tin cu haci esaki y kico ta e sumanan despues cu tin tanto tempo ta spaar, di ki suma ta papiando, pa locual ta prestamo.
Tur cos ta hinca den otro caba, y TOPA tin un projectleider pa cu esaki cu ya caba a hiba un combersacion pa ehecuta e proyecto aki di Spaar – en Kredietfonds. Esaki ta canando ariba bon caminda y ta pidi tur miembro di sindicato di TOPA pa keda pendiente pa ehecucion di e Spaar- en Kredietenfonds pa 2019, Sr. Rene Bernabela a finalisa bisando.