Pronto Aruba lo por conta cu e helicopter y radar, cual a wordo confirma door di minister di Husticia, Sr. mr. Andin Bikker.
Diabierna ultimo den Ministerraad, a bay di acuerdo cu un MB presenta den concepto pa institui e destaho publico pa e helicopter. E intencion ta pa den un par di luna esaki t’ey caba, ya cu e ta presupuesta pa e resto di 2018. Los di esey, e radar, Cuerpo Policial, siman pasa a haya presentacionnan di un par di compania cu ta opera ariba e tereno aki. E mandatario ta wardando ariba e advies di Cuerpo Policial, ya cu ta nan ta bay ta esunnan cu ta bay traha. Tambe lo mester wak kico ta e costo di esaki. Si a pidi pa duna esaki un prioridad mirando e situacion explosivo na Venezuela, cu su problemanan social ta desbordando bin Aruba. Pa cu esaki, Cuerpo Policial lo mester di un wandradar cu lo mester traha hunto cu esun mas grandi, di Kustwacht.
Pa loke ta e dronenan, Kustsurveillance tin su drone mescos cu Cuerpo Policial. Ta studiando cual ta e posibilidad mas factibel pa cu esaki tambe. Pero pa loke ta e helicopter cu e radar, ta dunando esaki prioridad. Si mester di drone adicional, esey lo mester wordo observa, segun e mandatario di husticia, mr. Andin Bikker.