Pronto Parlamento lo trata e Ley di LAft

Lider di Fraccion di MEP den Parlamento, Sr. Rocco Tjon, a saca un serie di clipnan informativo pa elabora ariba e ley di supervision temporal, LAFT.

Dentro di poco Parlamento di Aruba lo trata e concepto di Ley di Supervision Financiero Temporal, LAFT. Sr. Rocco Tjon ta splica.

E ley aki ta sumamente importante pa pais Aruba. E importancia tin di haber cu aspectonan di credibilidad financiero internacionalmente, e ta duna un base legal na palabracionnan haci, a traves di e protocol, pa yega na finanza duradero. Pero tambe e ta toca aspectonan constitucional, y nos autonomia financiero.

Dia 27 di mei, e concepto di ley aki lo wordo trata den parlamento. Y e concepto manera a wordo presenta, lo no conta cu e sosten di fraccion di MEP. Ta sumamente importante pa splica pueblo detayadamente, e motibonan.

Sr. Tjon a elabora ariba e origen di e ley di supervision financiero temporal. Lo enfoca cu e ley inicial tabata en pugna cu nos constitucion y ademas, lo elabora ariba e funcionamento ariba e organo cu yama CAft y Hulanda. Tambe lo bay enfoca ariba e maneho financiero di Gabinete Wever- Croes.

Ora cu analisa e origen di e ley di Supervision Financiero Temporal, por wak cu e ta data bek for di 2014, ora cu gobierno di Reino a duna Mike Eman un KB pa ‘Ondeugdelijk Bestuur’. Gobierno di Reino ta bisa cu e cifranan presenta den presupuesto, ta irealistico. Den e decreto por lesa tambe, cu no t a solamente gobierno di Reino so a constata esaki, pero tambe door di IMF y Raad van Advies. Debi na e decreto firma, gabinete Eman II a firma un protocol ariba 2 di mei, 2015 den cual nan a bay d acuerdo pa bin cu’n organo di supervision. E organo aki nos conoce bou di e nomber di CAft. A pesar cu Raad van Advies a bisa den nan conseho ariba e ley original di 2015 cu e ta en pugna nos constitucion y nos statuut, fraccion di AVP den parlamento e tempo ey a vota na fabor di e ley aki. Asina tambe a entrega nos autonomia financiero.

Mas despues lo elabora ariba e conseho di Raad van Advies y tambe splica con e organo di supervision, CAft y Hulanda a funciona for di 2015 te cu 2017. Ta importante pa nos pueblo, y ta p’esey ta bin cu informacionnan pa asina e Arubiano ta bon informa. No laga nos pais wordo dividi, ban uni pa asina conforme e maneho di gabinete Wever- Croes, nos recupera nos autonomia financiero.

 

Comments

comments