Pronto lo tin un bushalte na Pos Chikito

0
RBC Juli 2018
Funmiles-2018

Tin hopi keho relaciona cu e falta di bushalte na Pos Chikito, pa cual director di Arubus, Sr. Theo Croes, ta splica cu nan ta trahando caba ariba esaki.

Arubus tin un compania cu ta atende cu loke ta bushaltenan. Ta negociando cu nan cu sea ta pone e bushaltenan den area di hotel y move esunnan di eynan, pa areanan ey. Esun di Pos Chikito ta uno un claim basta fuerte. Lo bay check cu si no por yega na un termino hopi cortico, pa pone un bushalte eynan, cu si yega na e acuerdo pa hala e bushalte, lo bay pone un bushalte temporal, mas economico. Esey ta e plannan cu tin, tur esten.

Sr. Croes a sigui splica cu e busnan ta grandi y ta dificil pa pasa parti paden tur ora. Esey tabata e caso pa Sabana Basora y awo ta uze den cierto orario so ya cu ta laga bus pasa pero ta haya minimal di pasahero. Pa crea ruta nobo ta bay costa mas na chauffeur, mas na fuel, e no ta viabel.

Den area di hotel tin varios obstaculo Actualmente tin e carpooling den area di hotel, esey a lanta cabes dos aña pasa. Esaki ta e fenomeno unda cu 6 pa 7 hende ta cumpra un auto hunto y uno ta pasa busca otro. Tambe tin e taxi pirata, e busnan chikito, etc. Tur esakinan ta competencia inhusto pa Arubus, cu no tin control ariba dje. Esaki ta pone cu e cantidad di pasaheronan ta baha.

Tin varios obstaculo cu Arubus tin. Un di nan ta cu ta bringando pa e servicio, nan ta bezig cu’n app, unda cu por wak e bus, unda e ta y ki ora e ta yega. E app ta den desaroyo y ta spera cu ta cla pa aki dos siman. Esey ta un pa parti di servicio. Ta bay cuminsa cu’n training pa e chauffeurnan, mas den customer service, con leu por yega cu esey, pa duna algo mas miho den e servicio. Un otro obstaculo cu ta keda si ta e trafico. Semper ta menciona esaki: p.e. si yega banda di ex Kooyman, di eynan pa busstation ta dura 10 minuut. E ta sigui di biaha pa hotelnan. Pero depende e trafico, e por dura mei ora tambe. E ta algo cu no tin control ariba dje. E trafico ta afecta horario di e busnan tambe. Esey ta un di e kehonan cu Arubus tin keho ariba dje.

Pa loke ta e flota, gobierno ta bezig cu esaki. Esaki ta pa tin un miho flota pa e cliente por conta ariba dje, segun Sr. Theo Croes, director di Arubus.

Comments

comments

C: Heineken
new india